Nëntëdhjetë përqind e territorit të vendit do të zbardhet nga reshjet e dëborës, madje edhe kryeqyteti mund të përfshihet nga to.
Meteorologia Tanja Porja në një lidhje telefonike për ‘News24’, tha se kjo javë do të ketë ulje drastike temperaturash, që mund të arrijnë deri në -12 gradë celsius në zonat malore.
“90 % e territorit të vendit do zbardhet nga bora Do shohim flokë dëbore edhe në qytetin e Tiranës. Zonat e Durrësit, Kavajës nuk do të ketë reshje dëbore,-u shpreh ajo.
Porja bën me dije se përmirësim të situatës meteorologjike do të ketë të mërkurën dhe të enjten, përsa i përket reshjeve, por temperaturat do të vazhdojnë të jenë të ulëta.
Sipas saj, të premten, ka një rritje të theksuara temperaturash dhe fundjavën tjetër, i kthehemi kushteve normale të motit.
