Një studim i ri i realizuar në Universitetin e Harvard, ka treguar se meshkujt dhe femrat të cilët pijnë më shumë se 3 kafe në ditë, rrisin shanset që të kenë probleme me shikimin. Kafeina e tepërt në trup, shton shanset për zhvillimin e glaukomës, një çrregullim i cili prek njerëzit mbi 50 vjeç, dhe mund të çojë deri në verbim.
Shkencëtarët kanë deklaruar që të rriturit që pinë tre ose më shumë filxhanë në ditë janë më të prirë ndaj glaukomës eksfoliative me 34 për qind më shumë, në krahasim me ata që nuk e teprojnë me kafeinën.
Femrat të cilat në familje kanë raste të regjistruara të glaukomës hyjnë në grupin më të rrezikuar, dhe nëse pinë më shumë se tre filxhanë, rreziku i glaukomës eksfoliative rritet deri në 66 për qind.
