Në fjalën e tij në parlament, duke marrë shkas nga artistët, Berisha i ka përmendur Ramës vilën luksoze që ka në Surrel si edhe studion që ka në zonën e “Ali Demit”.
“Pse ty studion atje të bektashinjtë, kush ta ngriti? Tregoje sektretin. Po sarajet e Surrelit? Kush t’i pagoi? Se i lë gardistët e shkretë atje, s’kanë ku të hanë. Që rrinë gjithë ditën ruajnë sarajet e Surrelit.
Vetëm xhami i tavanit ka kushtuar 170 mijë euro. Super! Super tavani!
70 mijë euro bëri vetëm pigmenti i bunkerit, i vilës në Surrel.. Shikoni pak si i le rojet e tij, se nuk du ta them atë shprehjen…
Ruhet rruga me batalion. Nga Surreli në kryeministri, 350 gardistë ruajnë Surrelin. Se burrë më frikacak se ky nuk ka” u shpreh Berisha në parlament.
Ndërkohë që fliste ish kryeministri, Rama ka nisur të qeshë dhe kur u përgjigj, nuk e ka prekur temën e shpenzimeve për vilën e tij.
