Shtatë persona janë ndaluar në Elbasan dhe në Shkoder pasi dyshohet se janë bashkëpunetorë në shpërthimin me eksploziv që ndodhi disa javë më parë në Shkoder. Shënjestër e atentatit ishte Lulzim Kulla, i cili mbeti i plagosur rëndë nga shpërthimi në lagjen “Rus”. Po kështu të plagosur mbeten edhe 5 kalimtarë të rastit si dhe u shkaktuan dëme të mëdha materiale.
Sot në mëngjes këta persona të ndaluar janë dërguar në masa të larta sigurie në drejtorinë e Policisë së Shkodrës, ku po kryhen hetimet për shpërthimin e tritolit.
Po sipas të dhënave të rezervuara, në Elbasan u gjet edhe makina që dërgoi në Shkodër, motorin ku u vendosën 900 gramë tritol. Ky grup u zbulua pasi hetuesit kanë këqyrur filmimet e disa kamerave në qytetin e Shkodrës.
Ndërsa bëhet e ditur se në operacionin e mbrëmshëm në Elbasan morën pjesë dhjetra forca Speciale, forcat RENEA që drejtoheshin nga drejtues të Krimeve të Rënda të Policisë së Shtetit dhe drejtues të Prokurorisë së Shkodrës.
