Në garën për Miss Kazakistanin ka ndodhur një ngjarje e pazakontë pasi njëra nga finalistet nuk ishte ajo që ishte prezantuar. Bëhet fjalë për konkurrenten Alina Alieva, e cila ka habitur bashkëkombësit kur pranoi se në të vërtetë është një djalë.
Ilia Dijagiljev është një model 22 vjeçar që ishte regjistruar në konkurs për t’i dëshmuar shokëve se edhe meshkujt mund të jenë kandidatë pontencial për miss, e pse jo edhe të fitojnë.
“Po bisedoja me shokët për bukurinë dhe vendosa të regjistrohem në garë, pasi gjithmonë jam shquar për bukuri natyrale”,- ka deklaruar Ilia duke shtuar se vajzat vazhdojnë të mendojnë se vishen, bëjnë grimin dhe e përcjellin trendin më mirë se kushdo tjetër, por ai nuk ishte dakort me këtë konstatim.
Ilia arriti ta shndërrohet në Alina falë grimit dhe flokëve të gjatë. Ndërkohë kishte publikuar fotografitë e Alinës në internet dhe priste reagime nga më të ndryshmet.
Edhe pse ishte regjistruar si pjesëmarrës në garën “Miss Virtual Kazakistan” nuk kishte pritur që do të arrijë në finale, por me këtë dëshironte të dëshmonte që bukuria natyrale dhe karakteri është më e rëndësishme. Kështu vendosi t’i tregojë organizatorëve dhe votuesve se kush është në të vërtet Alina Alijeva.
“E kuptova se kam shkuar larg”, tha Ilia i cili shpjegoi arsyet pse vendosi të tregojë fytyrën e tij të vërtetë.
Shumë besojnë se ai mund ta fitonte garën e bukurisë duke arritur kështu të mundë 4 mijë vajza tjera nëse nuk do ta kishte zbuluar identitetin e tij./Opinion.al
