Një ulje drastike e çmimit të Nutella-s ka prodhuar skena të dhunshme në një rrjet supermarketesh franceze, pasi blerësit u përpoqën të kapnin me shpejtësi ofertën.
Supermarketet “Intermarche” ofruan një zbritje prej 70% në çmimin e Nutella-s, duke e ulur çmimin prej 4.50 euro (£ 3.90) në 1.40 euro.
Por policia u thirr kur njerëzit nisën të ziheshin dhe të shtynin njëri-tjetrin.
“Ata janë si kafshë. Një grua i kishte tërhequr flokët, një gruaje të moshuar i gjuajtën me një kuti në kokë, një tjetër kishte një dorë të lyer me gjak”, tha një klient për mediat franceze.
Një anëtar i stafit në një dyqan “Intermarché” në Francën qendrore tha për gazetën rajonale Le Progres: “Ne po përpiqeshim të shkonim mes klientëve, por ata po na shtynin”.
Skena të ngjashme janë raportuar në të gjithë Francën, ku disa janë përshkruar si “trazira”.
“Gjuetia” për kavanoza me Nutella vazhdoi të premten, me blerësit në një supermarket pranë Toulouse.
Rreth 365 milionë kilogramë Nutella konsumohen çdo vit në 160 vende të botës. Ajo u krijua nga familja Ferrero në vitet 1940 në rajonin Piemonte të Italisë, e cila është e njohur për lajthitë e saj.
Firma tha se i vjen keq për skenat e dhunës së të enjtes, por vuri në dukje se zbritja ishte vendosur në mënyrë të njëanshme nga Intermarché.
