Dy persona janë plagosur për pasojë të një aksidenti që është regjistruar në hyrje të qytetit të Vlorës.
Mësohet se mjeti me targa greke, i cili po udhëtonte në aksin rrugor që lidh autostradën me rrugën e vjetër ka humbur kontrollin duke dalë nga rruga dhe është përmbysur në kanal në vendin e quajtur Pus Mezin.
Të plagosurit, burrë dhe grua, janë transportuar në spital për marrjen e ndihmës mjekësore.
Policia ka mbërritur në vendngjarje dhe ka nisur hetimet për aksidentin.
