Pas bashkëpunimit të parë të Shakirës, me këngëtarin Maluma ku sollën këngën “Chantaje” ata kanë ardhur me një tjetër projekt të realizuar së bashku. Duke u bazuar në suksesin që korri kënga e mëparshme, edhe kësaj here nuk do të zhgënjeheni.
Dy artistët e mirënjohur kanë sjellë një tjetër bashkëpunim nën titullin “Trap”.
Kënga më e re e cila bën pjesë në albumin e fundit të Shakirës “El Dorado”, flet për një vajzë , rolin e së cilës e interpreton Shakira, së cilës i është thyer zemra, por megjithatë Maluma nuk heq dorë duke i kërkuar një shans tjetër.
Ajo çfarë bie në sy në klip janë skenat provokuese në dush, për të cilat me siguri Pique është ndjerë xheloz, pasi rikujtojmë që para disa vitesh ai ja kishte “ndaluar” Shakirës skenat e nxehta në videoklipe.
