Njerëzit kanë ide të ndryshme se ç’duhet bërë me trupin e tyre pas vdekjes. Pjesa më e madhe konsiderojnë varrimin ose djegien e trupit.
Megjithatë në një nga episodet e fundit të Keeping Up With The Kardashians, Kris Jenner hedh idenë për ta kthyer trupin e saj në diamant të cilin do ta ndajë në 6 pjesë: nga një për secilin nga fëmiljët. Këtë ide e kishte marrë nga një takim me një fanse. Jenner e kishte spikatur unazën e saj dhe e kishte komplimetuar. Fansja iu përgjigj që guri që mbante në dorë, është në fakt gjyshja e saj, shkruan opinion.al
Sipas një deklarate nga një kompani diamantesh memoriali, procesi që ndiqet është i ngjashëm me formimin e diamanteve në natyrë. Diamantët natyral krijohen kur nxehtësia dhe presioni intensiv ushtrohen mbi karbon. Diamantët memorial krijohen nga karboni i gjendur në hirin e trupit të djegur. Karboni më pas futet në një makineri që ushtron presion dhe nxehtësi konstante. Nga aty, guri më pas pastrohet, pritet dhe lëmohet.
Në pamje guri që prodhohet nga karboni i njeriut dhe ai që prodhohen nga karboni natyral janë tërësisht identikë./ Opinion.al
