Shefi ekzekutiv i Apple, Tom Cook dhe fituesja e çmimit Nobel, Malala Yousafzai do të punojnë së bashku për t’i siguruar shkollim vajzave në botë. Apple bëri të dielën lajmërim se tashmë është partner zyrtar i Fondacionit Malala. Kompania do të mbështesë përpjekjet e 20 vjeçares për t’i mundësuar shkollim falas, qualitativ dhe të sigurtë për vajzat 12 vjeç.
Cook dhe Yousafzai filluan të flisnin për një projekt të përbashkët tre muaj më parë në Angli. Së fundmi ata të dy kanë vizituar studentët libanezë dhe sirian në Beirut. Në deklaratën e tij ku bëri dhe lajmërimin që Apple është partner zyrtar i fondacionit, Tom Cook tha:
“Ne besojmë se edukimi është një forcë e madhe barazie dhe ndajmë të njëjtën dëshirë me Malalën që t’i mundësojmë çdo vajze shkollimin. Malala është një avokate kurajoze e barazisë gjinore dhe njëkohësisht një nga figurat më frymëzuese të kohërave modern. Jemi të nderuar që po e ndihmojmë të zgjerojë punën e saj të fuqizimit të vajzave kudo.”
Apple pritet të dyfishojë numrin e të ardhurave që shkojnë për këtë fondacion dhe gjithashtu do të mundësojë asistencë teknologjike dhe literature për 130 milion vajza në vende si India apo Amerika Latine.
“Jam e lumtur që Apple njeh vlerat e investimit të vajzat dhe po i bashkohet luftës së Fondacionit Malala që t’i sigurojë atyre shkollim,”- tha aktivistja që së fundmi po ndjek studimet në Universitetin Oxford.
