Nuk ka të bëjë me ato që thoni, por me mënyrën se si i thoni.
Është një klishe, por është e vërtetë. Gjuha e trupit është një pjesë thelbësore e komunikimit. Mënyra se si veproni mund të shtrembërojë të gjithë kuptimin e asaj që po thoni.
Zakonet e gabuara të gjuhës së trupit janë shpesh ato më të vështirat për t’u thyer. Më poshtë do të gjeni disa gabime të gjuhës së trupit që duhet t’i ndryshoni sa më shpejt të keni mundësi edhe pse është mjaft e vështirë.
Gjeste të çuditshme me duart tuaja
Përdorimi i gjesteve me anë të duarve tuaja është një mënyrë për të mbajtur të zënë audiencën tuaj por përpiquni të mos bini në grackë, ndonjëherë këto gjeste kthehen në domosdoshmëri përgjatë çfarëdolloj bisede e me këdo person. Nëse nuk i menaxhoni më ju gjestet por ato ju menaxhojnë ju atëherë shmangini me çfarëdo lloj kushti.
Ngulja e syve apo mos hedhja e syve gjatë një bisede
Si ngulja e syve ashtu dhe mos hedhja e tyre gjatë një bisede janë I njëjti problem por në dy drejtime të ndryshme. Nëse i ngulni sytë dikujt për një kohë të gjatë, me shumë mundësi do ta vini në siklet këtë person, e nëse nuk ja hidhni fare sytë me siguri do ta ofendoni duke e bërë të mendojë se nuk është aspak i rëndësishëm për ju.
Qëndrimi jo i duhur
Shumë njerëz nuk dinë ç’të bëjnë me duart e tyre gjatë një bisede, dhe i mbajnë ato duarkryq ose bëjnë ndonjë veprim tjetër të gabuar me to. Në vend që të bëni diçka të tillë duhet të dini rregullin kryesor, gjatë një bisede duart rrinë gjithnjë të lira.
Mos luani me flokët tuaj
Lërini flokët tuaja të qeta. Prekja e vazhdueshme e flokëve tuaj tërheq goxha vëmendje, por jo vëmendje për mirë. Nëse jeni të stresuar dhe nuk dini çfarë të bëni atëherë merrni një top për të hequr stresin pasi duke prekur vazhdimisht flokët do t’i dëmtoni ato.
Kini vëmendjen kur njerëzit ju flasin
Nuk ka asgjë më irrituese se sa biseda me dikë që nuk po ju kushton vëmendje. Disa njerëz janë thjesht të hutuar dhe e bëjnë këtë gjë pa kuptuar por është një ndër gjërat më të gabuara që mund të bëni sidomos nëse po ju flet dikush që nuk ju njeh shumë.
