Kreu i grupit parlamentar, Taulant Balla, deklaroi se seanca e fundit në Kuvend ishte një skenë e turpshme, por një turp që i takon opozitës dhe jo një faj kolektiv.
Balla theksoi se opozita po i bëhet barrikadë reformës në drejtësi, por pavarësisht kësaj, ai la të kuptojë se PS do të çojë përpara procesin edhe pa opozitën.
Ai tha se ky është një vit i rëndësishëm për vendin tonë, pasi Shqipëria pret çeljen e negociatave me BE. Balla ftoi kolegët opozitarë të jenë bashkë për integrimin.
Sipas tij, mazhoranca pret që brenda janarit bashkë me opozitën të miratojnë ndryshimet në rregulloren e Kuvendit, përfshirë dhe kodin etik.
