Kreu i Partisë Demokratike, Lulzim Basha, të hënën në fjalën e mbajtur në nisje të seancës parlamentare, deklaroi se deputetët ktheheshin pas një muaji në vendin e krimit, në kapjen e Prokurorisë së Përgjithshme nga kryeministri Edi Rama.
Basha: Kthehemi pas një muaji në vendin e krimit. Këtu në këtë sallë, më 18 dhjetor mazhorancva e kapur nga krimit dhe e zhytur në krim e kthyer në ndihmës të trafikantëve të drogës që mëshirohet qartë nga Saimir Tahiri, kreu krimin kushtetues dhe kapi prokurorinë dhe që prej datës 18 dhjetor u shembën kolonat ekzistenciale të demokracisë, ndarja e pushteteve. Njeriu që ka uzurpuar kreun e ekzekutivit, njeriu që drejton me grusht të hekurt teatrin e kukullave të grupit të tij parlamentar të dalë nga vota e blerë e 28 qershorit, drejton sot edhe prokurorinë e vendit. Ky krim kushtetues u paralajmërua nga Partia Demokratike.
Kreu i PD-së, Lulzim Basha, tha se në 11 ditët e para të këtij viti kanë falimentuar 330 biznese.
Basha: Vetëm gjatë 11 ditëve të para të këtij muaji, 330 subjekte biznesi kanë deklaruar falimentin. Mesatarisht 30 në ditë. Ndërsa të dhënat tronditëse nga gjendja e popullsisë duket se nuk kanë asnjë impakt e s’mund të ketë asnjë impakt në një qeveri që ka zëvendësuar hartimin e politikave publike me sundimin mafioz. Një në dhjetë fëmijë në Tiranë dhe në Shqipëri konsumon vetëm një vakt në ditë. Shqiptarët e kapën një rekord vitin që e mbyllën, 30 mijë shqiptarë janë regjistruar si azilantë, në Francë numri i shqiptarëve që kanë kërkuar azil është më i madhi.”
