Një atentat me armë pasditen e së dielës në Tiranë i ka marrë jetën një 32-vjeçari dhe ka lënë të plagosur një tjetër.
Emilliano Boci është gjetur fillimisht i plagosur me armë zjarri në makinën e tij. Kanë qenë qytetarët të cilët panë 32-vjecarin të plagosur brenda makinës, që njoftuan policinë. Boci u transportua menjëherë në spital, por ndërroi jetë për shkak të plagëve të rënda.
Ngjarja ndodhi në rrugën “Shefqet Musaraj”, ndërkohë në spital ka shkuar i dëmtuar me armë zjarri në shpatull edhe 27-vjeçari M.D., i cili ndodhet jashtë rrezikut për jetën.
Burimet nga policia thanë se viktima Emiljano Boçi dhe i plagosuri kanë qenë bashkë dhe janë qëlluar nga një person i tretë, ende i paidentifikuar.
Nuk dihen ende shkaqet dhe motivet e ngjarjes, ndërsa policia vijon hetimet.
Por, kush është Emiljano Boçi, i cili sot (14 janar) u vra me armë zjarri në Tiranë?!
32-vjeçari Emiljano Boçi, i cili njihet edhe me emrin Roland ka qenë i përfshirë në një ngjarje të ndodhur në 26 korrik 2010.
Boçi është shpallur fajtor për dy vepra penale, atë të Vrasjes së mbetur në tentativë e kryer në gjendje të tronditjes se forte psikike dhe Prodhim e mbajtje pa leje te armeve luftarake. Për këto vepra ai është dënuar me 5 vite burg.
Njoftimi i policisë:
Më datë 14.01.2018, rreth orës 17.50, në Sallën Operative ka ardhur një telefonatë se në rrugën ” Shefqet Musaraj”, një shtetas ndodhet i demtuar në një automjet.
Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën “Shefqet Musaraj”, në një mjet është gjetur i plagosur me armë zjarri shtetasi E.B., 32 vjeç, i cili u dërguar menjëher në spital, ku ka ndërruar jetë.
Ndërkohë në spital ka shkuar i dëmtuar me armë zjarri në shpatull edhe shtetasi M.D., 27 vjeç, i cili ndodhet jashtë rrezikut për jetën.
Në vendngjarje ndodhen shërbimet e policisë ku po punohet për sqarimin e plotë të rrethanave të ngjarjes dhe identifikimin dhe kapjen e autorit.
