Çokollata është padyshim një nga ushqimet më të përhapura dhe të konsumuara në botë. Të parët që kultivonin bimën e kakaos ishin Mayatë. Sipas disa studimeve, çokollata është e mirë për shëndetin dhe vihet re që favorizon lirimin e endorfinave, të cilat sjellin humor të mirë. Ka lloje të ndryshme të çokollatës në treg, nga qumështi më klasik ose pllakat e errëta ose të bardha në pllakat e aromatizuara me fruta të thata ose mbushje të shijshme. Për çdo shenjë zodiakale horoskopi sugjeron cila çokollatë duhet zgjedhur. Le t’ua besojmë yjeve nepsin tonë!
DASHI – Elementi juaj, zjarri, ju kërkon të jeni të guximshëm madje edhe në zgjedhjen e llojeve të çokollatës për t’u shijuar gjatë pushimeve të punës ose në mbrëmje nën shoqërinë e miqve. Ju pëlqejnë shijet e forta dhe vendimtare. Ju patjetër do të vraponi tek çokollatat djegëse që e bëjnë ëmbëlsinë e kakaos pikante! Piperi i kuq për ju është gjithmonë si një ftese dasme. Ju pëlqen ta përjetoni këtë shije edhe në çokollatën e nxehtë.
DEMI – Për ju çokollata është diçka e shenjtë dhe ju thjesht nuk mund të bëni pa të, as kur jeni të trishtuar dhe as kur jeni të lumtur. Nuk ju tërheqin shijet shumë të veçanta, dhe preferoni të hani shufrat klasike të çokollatës së errët me lajthi, rigorozisht me cilësi të lartë. Sa i përket sasisë nuk keni një limit dhe kjo është arsyeja që blini stoqe të mëdha çokollate për vete dhe për familjen. Shijet e jetës ndahen dhe çokollata është një nga këto!
BINJAKËT – Cilado qoftë mosha juaj, kur bëhet fjalë për çokollatën del ana juaj më fëminore dhe argëtuese. Ju tërheqin pakot me shumë ngjyra, të cilat mbajnë çokollata të të gjitha shijeve dhe të të gjitha formave, por zgjedhja juaj shpesh bie mbi çokollatat klasike dhe çokollatat me oriz të fryrë. Në rastin tuaj nuk mund të flitet për shije të veçanta dhe të vërteta dhe i ndani këto çokollata me miqtë ose me disa nga të njohurit që doni t’i bëni miq.
GAFORRJA – Kur flitet për çokollata dhe ëmbëlsira, ju gjithmonë jeni në garë. Çokollata duhet të jetë rigorozisht e ëmbël sidomos ajo e errëta, aq edhe e hidhur. Çokollata juaj e preferuar është ajo me mbushje me qumësht. Vezët me mbushjen e bardhë dhe pak ‘crunchy mund të të çmendin. Ju pëlqen të shijoni çokollatën kur shikoni një film dramatik ose romantik dhe gjithashtu e konsideroni atë një qetësues të shkëlqyeshëm në rast të zhgënjimeve të dashurisë ose boshllëkut emocional apo ndonjë trishtimi kalimtar.
LUANI – Për ju çokollata mund të konsiderohet mbreti i ëmbëlsirave dhe e konsumoni atë në sasi të mëdha, sepse përveçse është e mirë, rregullon humorin. Nuk ju pëlqejnë shijet shumë të përpunuara dhe ndjeni një tërheqje të fortë për ngjyrën tipike të verdhë të çokollatës klasike të bardhë. Tërhiqeni nga paketat më të mëdha dhe më të spikatura të ofruara nga tregtarët. Për t’u ngrohur, në periudhat më të ftohta, ju pëlqen të pini çokollatë të nxehtë në gota të kushtueshme dhe të gjalla, ashtu siç është shpirti juaj.
VIRGJËRESHA – Me siguri ju i përkisni grupit të konsumatorëve të mëdhenj të çokollatës me sheqer të lehtë nga supermarketi juaj i besuar. Juve çokollata ju çmend, por kujdeseni shumë për linjat tuaja dhe gjithashtu e dini që marrja e sheqerit nuk është e shëndetshme, edhe nëse në sasi të vogla. Kështu që ju argëtohuni duke eksperimentuar me çokollata pa sheqer (qumështi, i bardhë ose i errët për ju është pothuajse indiferent) dhe gjithmonë përpiqeni të gjeni një raport të mirë cilësi/çmim ose të blini tri çokollata me çmimin e dy.
PESHORJA – Nuk mund të thuhet që ti je personi më i dashur në botën e çokollatës, sepse e kontrolloni veten. Ju nuk i hani ato në sasi të mëdha, sepse keni frikë se do t’iu shëndoshë dhe pothuajse gjithmonë zgjidhni çokollatë të errët me bajame (gjithashtu ju pëlqejnë lajthitë, por të duken më pak elegante). Zakonisht zgjidhni markat më të njohura dhe kështu humbni shansin për të shijuar çokollatat artizanale më të mira dhe më të shijshme, por të paketuara në një mënyrë më pak elegante.
AKREPI – Ju jeni një person që di të kontrollojë veten (kur nuk ju zemërojnë sigurisht), por çokollata nuk mund t’i rezistoni gjithmonë sepse nxjerr në pah anën tuaj më të ëmbël dhe më të butë. Për të kënaqur shijet tuaja kërkuese dhe të sofistikuara, ka çokollata me mbushje nenexhik. E keni parë se nenexhiku i jep freski çokollatës, duke rritur shijen në të gjitha aspektet. Një çokollatë pas darkës mund të jetë e dobishme për të filluar një mbrëmje të mrekullueshme!
SHIGJETARI – Duke qenë tip që udhëtoni, keni pasur mundësinë të provoni çokollatat e vendeve të ndryshme, dhe preferenca juaj bie mbi çokollatën e qumështit alpin, atë të cilësisë më të lartë. Ju nuk ju pëlqen ta blini atë në supermarket dhe preferoni t’ua jepni miqve që udhëtojnë nëpër Alpe. Për ju çokollata duhet të shijuar si një nga kënaqësitë më të bukura të jetës. E trajtoni çdo pjesë të saj sikur të ishte një objekt i vogël i çmuar, bërë për të mbushur ëmbëlsinë tuaj fizike dhe lumturinë tuaj shpirtërore.
BRICJAPI – Ëmbëlsia me ju nuk ka të bëjë dhe për fat të keq ju nuk mund të përpiqeni të ëmbëlsoheni madje edhe me çokollatë. Për ju çokollata duhet të jetë e hidhur dhe ndoshta të përmbajë një përqindje kakaoje nga 85% në 90%. Ju gjithmonë dhe në mënyrë rigoroze zgjidhni çokollatë shtesë të errët, dhe hidhni çdo çokollatë që përmban fruta ose përbërës të tjerë. Nuk ju intereson pamja e paketës, por përmbajtja e saj. Edhe çokollata për ju është një çështje serioze, e cila nuk mund të merret me shaka.
UJORI – Juve gjithmonë ju pëlqen të eksperimentoni shije të reja, madje dhe kur bëhet fjalë për çokollatat, shkoni në kërkim të diçkaje që mund të befasojnë këndshëm shijet tuaja. Çokollata e qumështit me mbushje kosi dhe manash mund të jetë e duhura për ju. Mbushja e bardhë dhe rozë është mjaft e pazakontë dhe e tepruar për ju. Megjithatë, pas njëfarë kohe, ju gjithashtu lodheni nga çokollatat dhe jeni në kërkim të tabletave të tjera. Ju pëlqen ta kombinoni atë me patate të skuqura!
PESHQIT – Kur flitet për çokollatën, i lini mënjanë kompetencat tuaja dhe tregoni shijet tuaja të vërteta. E adhuroni kremin e përzier me çokollatë, e çdo shije (edhe në qoftë se ju e konsideroni çokollatën e errët shumë të hidhur për ju) dhe në çdo kohë të ditës ose të natës. Ndër të preferuarat tuaja janë sigurisht çokollatat e bardha me fistikë. Nuk të intereson se sa kalori përmban: çokollata liron endorfinë dhe ju bën të ndiheni më të lumtur dhe kjo është ajo që ka rëndësi!
