Që në nisje të sondazhit zhvilluar nga Opinion.al për ministrin më të pëlqyer të qeverisë “Rama2”, Ministri i Financave, Ekonomisë dhe Punës, Arben Ahmetaj ka kryesuar me përqindjen më të lartë të votave. Ditën e fundit të këtij sondazhi duket se rezultati ka ndryshuar. Vendin e parë sot e mban Ministrja e Drejtësisë Etilda Gjonaj me 19% të votave, duke e lënë pas Ahmetajn me 17% të votave.
Ministrja e Mbrojtjes Olta Xhaçka, e cila për shumë ditë qëndronte në vendin e dytë me një përqindje të konsiderueshme të votave, sot pozicionohet në vendin e katërt me 9% të votave, duke ia lënë vendin e tretë Ministrit të Brendshëm Fatmir Xhafaj me 11% të votave.
Vendi i fundit vijon të mbahet nga Ministrja e Kulturës Mirela Kumbaro e cila që prej fillimit ka marrë vetëm 1% të votave.
Rezultat i njejtë mbetet edhe për Ministren e Arsimit Lindita Nikolla e cila ka vetëm 2% të votave.
Numri i votuesve vijon të rritet ku deri më tani janë më shumë se 12900 persona që kanë votuar. Ju keni ende kohë të votoni në kohë reale deri në orën 22;00 të mbrëmjes së sotme, ku në emisionin Opinion do të publikohet sondazhi i ri./Opinion.al
