Sportet elektronikë kanë bërë një tjetër hap përpara drejt synimit për t’u bërë një sport Olimpik pasi Komiteti Ndërkombëtar Olimpik ka hapur derën për një përfshirje në të ardhmen.
Gjatë një takimi të IOC u diskutua për këtë çështje dhe për mundësinë për të garuar për Lojërat e Parisit në vitin 2024.
“Sportet elektronike kompetitive mund të konsiderohen si aktivitet sportiv, dhe lojtarët e përfshirë janë të përgatitur të stërviten me intensitet që mund të krahasohet me atletët në sportet tradicionale”- shkruhej në një deklaratë të komitetit.
Lojërat elektronike kanë një audiencë globale me rreth 320 mln persona dhe sjellin fitime 450 mln euro në vit.
