Një 66 vjeçar ka gjetur vdekjen të premten pasdite si pasojë e një aksidenti rrugor të ndodhur në aksin Shkodër-Koplik.
Burimet nga policia thanë se aksidenti ka ndodhur në fshatin Vrakë, ku ka humbur jetën shtetasi Xheladin Iviziku, 66-vjeç.
Mësohet se Iviziku u dërgua me urgjencë në spital, por ai nuk mundi të mbijetojë dot për shkak të plagëve të rënda.
Policia mbërriti në vendngjarje dhe ka nisur hetimet për të zbardhur shkaqet e përplasjes, duke shoqëruar në komisariat drejtuesin e mjetit që shkaktoi aksidentin fatal.
