Pasi KQZ ka vendosur heqjen e mandateve për dy deptetë, përkatësisht Gledion Rahovica i LSI në qarkun e Beratit dhe Aqif Rakipi i PDIU në qarkun e Elbasanit, pritet që vendet e tyre në kuvend të zëvendësohen nga dy deputetët që në listën emërore vijnë menjëherë pas.
Kështu nga LSI vendin e Gledion Rahovicës pritet ta zërë Silva Caka, ish-deputete në legjislaturën e shkuar, ndërkohë që vendin e Aqif Rakipit pritet ta marrë Dritan Bici, ish-kryetar I Bashkisë së Gramshit.
Kujtojmë që Bici ka qenë një dorë e fortë e socialistëve në Gramsh, por pas “divorcit” dhe moskandidimit të tij nga socialistët për një mandat të dytë në krye të bashkisë, ai vendosi të kandidonte me Partinë Komuniste në zgjedhjet lokale të vitit 2015.
Këtë radhë emri i tij u shfaq në listat e PDIU-së si kandidat për deputet në qarkun e Elbasanit.
