Krahasimi që kryeministri Edi Rama bëri me Monika Kryemadhit dhe Eleonora Bregut ose e njohur ndryshe si Eleonora e Selitës, u kthye në batutën e ditës. Pas kësaj deklarate ka ardhur edhe reagimi i Kryemadhit, e cila e quajti si pa kripë këtë paralelizëm.
Po kush është Eleonora e Selitës?
Në vitin 2011 Eleonora Bregu, e njohur ndryshe si “shenjtore e vetëshpallur” vrau veten me pistoletë në dhomën e saj të gjumit. Lajmi u bë i bujshëm pasi bëmat e zonjës në fjalë ishin shumë të dëgjuara. Ajo pretendonte se parashikonte fatin e njerëzve si edhe mund ti shëronte ata prej sëmundjeve të ndryshme, ndaj edhe u vetëquajt shenjtore. Ajo krijoi në Tiranë një fondacion të quajtur “Misioni i shenjtë” ku drejtohej prej saj dhe të birit Roel Zhitoni. Shumë vite më parë Eleonora ndërtoi një vilë në hyrje të Selitës, ku për shumë kohë njerëzit shkonin me shpresën se do shëroheshin prej saj. Vila e kuqe u bë edhe shkak për vetëvrasjen e saj, pasi me daljen e pronarit të tokës, asaj ju mor edhe pronësia. Gati 8 vite më vonë, kryeministri Edi Rama na e rikujton Eleonorën duke e krahasuar me kryetaren e LSI-së, Monika Kryemadhi./Opinion.al
