Dafina Zeqiri ka vetëm pak ditë që është kthyer nga Shtetet e Bashkuara të Amerikës. Por menjëherë këngëtarja ka publikuar një këngë të re për publikun shqiptar, këngë e cila vjen pas një kohe të gjatë mungesë për shkak të qëndrimit në Amerikë.
“Ti e din’ është kënga më e re e këngëtares, të cilën e ka shoqëruar me videoklip. Këtë të fundit e ka punuar video kompania e mirënjohur shqiptare, Entermedia, ndërsa është hedhur në YouTube dhe mbrohet nga BZZZ.
Këngëtarja në disa pjesë të videos shihet “topless” teksa zbulon edhe vizatimet pas qafës dhe në një pjesë të shpinës. Melodia dhe teksti janë punuar nga Dafina, ndërsa Beat-i nga Lurro.
Theksojmë se Dafi me t’u rikthyer në Kosovë është angazhuar në shumë koncerte, të cilat do t’i mbajë në klubet e ndryshme. Ju kujtojmë që muaj më parë bukuroshja publikoi këngën “Told Ya”, i cili u shikua mbi 2.2 milionë herë në YouTube.
