Ambasadorja e Shteteve të Bashkuara në OKB, Nikki Haley ka reaguar ashpër pas votimit në OKB pro rezolutës anti-Trump. “Asnjë votë në Kombet e Bashkuara nuk do të bëjë ndonjë ndryshim,” tha ajo.
Haley tha se Presidenti Trump i ka kërkuar që ajo t’i dorëzojë një raport mbi vendet të cilat votojnë kundër Shteteve të Bashkuara, duke paralajmëruar edhe pasoja, siç është ndërprerja e financimeve.
“Do të raportoj te presidenti i SHBA-së emrat e të gjithë atyre që mbështesin një draft-rezolutë që hedh poshtë lëvizjen e SHBA-së në Asamblenë e Përgjithshme të OKB-së. Presidenti Trump e ka marrë personalisht këtë çështje… Ndërsa konsideroni votën tuaj, ju inkurajoj që ta dini se presidenti dhe SHBA do të marrë këtë votë personalisht. Presidenti do ta vëzhgojë këtë votë më kujdes dhe më ka kërkuar që të raportoj për ata që votojnë kundër nesh…Ne nuk presim që ata që kemi ndihmuar të na dalin kundër”, u shpreh ambasadorja e SHBA-ve në OKB. Mes vendeve që votuan kundër Presidentit amerikan, Trump, ishte edhe Shqipëria.
Më tej ambasdorja do të shprehej: “Ne i vlerësojmë këto vende që nuk rane pre e papërgjegjshmerise se Kombeve të Bashkuara”.
Lista e vendeve pro SHBA-ve
Antigua-Barbuda, Argjentina, Australia, Bahamas, Benini, Butani, Bosnja dhe Hercegovina, Burma, Kameruni, Kanadaja, Republika e Afrikës Qendrore, Kolumbia, Kroacia, Republika Çeke , Republika e Dominikanëve, Republika Demokratike e Kongos, Salvadori, Guinea Ekuatoriale, Fixhi, Gjeorgjia, Guatemala, Guinea Bissau, Haiti, Hondurasi, Hungaria, Izraeli, Xhamajka, Kenia, Kiribati, Letonia, Lesoto, Malavi, Ishujt Marshall, Meksikë, Mikronezi Polonia, Rumania, Ruanda, Samoa, San Marino, Sao Tome dhe Principe, Sierra Leone, Ishujt Solomon, Sudani Jugor, Shën Kits-Nevis, Shën Lucia, Moldavia, Mongolia, Nauru, Palau, Panama, Paraguai, Sëaziland, Timor Leste, Togo, Tonga, Trinidad-Tobago, Turkmenistani, Tuvalu, Uganda, Ukraina, Vanuatu dhe Zambia.
RT @USUN: “America will put our embassy in #Jerusalem…No vote in the United Nations will make any difference on that. But this vote will make a difference on how Americans look at the @UN, and on how we look at countries who disrespect us in the UN.” pic.twitter.com/UBLFXVyouY
— Nikki Haley (@nikkihaley) December 21, 2017
