N/ Kryetari i PD, Edi Paloka i është përgjigjur kreut të Kuvendit Gramoz Ruçi i cili tha se ajo që ndodhi gjatë seancës për zgjedhjen e Kryeprokurores nuk ka ndodhur asnjëherë në 27 vitet e jetës së tij parlamentare.
Paloka tha se në parlament ka ndodhur më shumë se kaq ku janë vravrë dhe sulmuar fizikisht deputetë të opozitës.
Statusi në facebook i Palokës
Gramoz Ruçi paska deklaruar se dhuna e ushtruar të hënën në Parlament nuk ka precedente në 27 vjet.
Në këto 27 vjet ka ndodhur që deputetë të opozitës janë vrarë dhe sulmuar fizikisht brenda parlamentit.
Por si asnjëherë në këto 27 vjet kriminelët, vrasës, trafikantë droge dhe prostitutash u ngritën në piedestal si anëtarë të Parlamentit.
Si asnjëherë në këto 27 vjet, Garda e Republikës u përdor për të bllokuar foltoren e Parlamentit duke i hequr dhunshëm opozitës të drejtën e fjalës.
Të gjitha këto kanë dhe më shumë se kaq kanë ndodhur sa herë vendi dhe Parlamenti është drejtuar nga partia e Gramoz Ruçit.
