Një i ri shqiptar ka humbur jetën në një aksident me motor mëngjesin e sotëm në Selanik të Greqisë.
Mediat greke kanë bërë me dije se viktima është një 21 vjeçar shqiptar, ndërsa identiteti i tij nuk është bërë publik.
Aksidenti ndodhi rreth orës 05:20 në zonën e Toumbas.
Mësohet se shqiptari humbi kontrollin e motorit dhe u rrëzua, duke gjetur vdekjen e menjëhershme.
Policia Rrugore e Selanikut ka nisur hetimet për këtë aksident që i mori jetën të riut shqiptar./tvklan.al
