Opozita e bashkuar doli me një deklaratë të përbashkët në përfundim të mbledhjes që u zhvillua pak minuta më parë në selinë e PD-së.
Lideri, Lulzim Basha deklaroi se: “Pavarësisht prej llomotitjeve dhe çmendurive të Ramës, pas tre vjet përpjekjesh për Reformën në Drejtësi sot është miratuar një Prokuror nga PS. Kushtetuta nuk lejon zgjedhjen e një kryeprokurori pa 3/5 e votave në parlament. Ky është Kryeprokurori i qeverisë për të mbyllur dosjet e Sejdinit, Tahirit, Beqajt, etj.
Edi Rama nuk mund të fshihet pas gishtit. Opozita nuk do të lejojë më një parlament fasadë. Parlamenti i dalë nga vota e vjedhur. Vendimi ynë është: Nisja e një vale protestash popullore për të ndalur çmendurinë e Edi Ramës që sot është edhe Kryeprokuror i vendit”, deklaroi Basha.
Në javët e para të Janarit opozita nis valën e protestave, theksoi ai.
Sot u votua në kushte jo normale Prokurorja e Përgjithshme. Opozita protestoi brenda dhe jashtë parlamentit.
