Superlojtari brazilian nuk dëshiron që të jetë pjesë e gjigantit francez përtej qershorit 2018. Ai do që të transferohet tek Real Madrid, ka thënë gazetari spanjoll Ignacio Minguelez. “Braziliani Neymar ka vendosur që në fund të edicionit të largohet nga Paris Saint-Germain, drejt Real Madrid”, tha gazetari.
Ai ka deklaruar se sulmuesi është i palumtur ne nivelin e futbollit dhe trajtimin që merr në Parc des Princes, ndaj është duke u munduar të kalojë në Santiago Bernabeu.
“Neymar është i lumtur me pagën që merr në PSG, por është penduar për transferimin në këtë klub”.
“Ai dëshiron të shkojë në Real Madrid në qershor. Ai tashmë u ka treguar miqve dhe i ka kërkuar babait të vet për ndryshimin”, theksoi gazetari spanjoll.
