Përfaqësuesit e 55 kompanive që punuan për ndërtimin e ByPassit të Fierit dhe Vlorës, kanë ndaluar punën derisa shteti t’i paguajë për shpenzimet e tyre.
Mësohet se ata kanë bllokuar sërish aksin rrugor Fier-Mbrostar që lidhet me autostradën Lushnje-Fier.
Sipas tyre, shteti duhet t’i pagujë detyrimet e lëna pa paguar nga kompania italiane që u largua pa përfunduar punimet për bypasset e Fierit dhe Vlorës.
Sot protestuesit kërcënuan se do të hyjnë në grevë urie, nëse shteti nuk reagon për këtë çështje.
