Kanë kaluar disa ditë nga vrasja e Aleksandër Ndokës në Lezhë dhe policia nuk ka asnjë të dhënë për atentatorin. Ndërkohë familja e Rifat Dushkut, e konsideruar në media si familja kundërshtare me Ndokajt tregon për të gjitha konfliktet mes tyre.
Me kërkesën e tyre, përfaqësuesi i saj, Rifat Dushku tregoi për ABC News se nuk është në konflikt me familjen Ndoka në Lezhë.
Ai foli për ngjarjen e 22 tetorit në Shëngjin, ku mbeti i plagosur djali i tij Florian Dushku. “Nuk e kuptoj pse mbahen në burg dy prej djemve të këtij fisi kur nuk janë ata autorët e ngjarjes”, thotë Dushku.
Burri që ka marrë përsipër publikisht të sqarojë pozicionin e familjes së tij, tregon se incidenti i 25 qershorit, ditën e zgjedhjeve, ishte një zënkë e momentit që lindi dhe përfundoi aty.
Dushkët duan paqe me familjen Ndoka dhe për këtë thonë se janë të gatshëm të betohen që nuk kanë lidhje me vrasjen e Alaksndër Ndokës.
Konfliktet e dy djemve të Aleksandër Ndokajt, 48 vjeçarit që u vra në pritë me breshëri automatiku kur po hynte në banesen e tij, janë një piste e hetimeve. Por edhe pas kaq ditësh pa rezultat. Vëllai ish deputetit socialist, Aleksandër Ndoka u qëllua disa herë me kallashnikov, por ende nuk ka një autor të dyshuar. /ABC
