Ditën e sotme në emisionin “Opinion” është diskutuar për rrjetet sociale dhe varësinë që kanë krijuar njerëzit ndaj tyre. Në një panel me figura të njohura të ekranit pati një sërë deklaratash për rrjetet sociale dhe varësinë ndaj tyre.
Regjisori Bujar Kapexhiu duket se ka qenë ndër personazhet e panelit që kalonte më pak kohë në rrjetet sociale. Madje ai tha se faqen e tij në rrjetet sociale nuk e administronte vetë në shumicën e kohës dhe e përdorte atë vetëm për punë, për të publikuar krijimtaritë e tij.
“Ishin dy vetë të cilët po bashkëbisedonin dhe shisnin mend me njëri tjetrin, unë punoj më pak tjetri mund të punoj më tepër. Njëri prej tyre tha, A e di ti që unë punoj 25 orë në ditë? Si është e mundur i tha tjetri 25 orë në ditë kur dita ka 24 orë. Vërtetë ka 24 por unë çohem 1 orë përpara. Pra miku im, unë çohem 1 orë përpara, pikturoj, vizatoj, shkruaj, dhe të gjithë këto që kam i nxjerr, i publikoj. Unë çuditem me ata që e përdorin dhe rinë në facebook për qef”, u shpreh Kapexhiu. /Opinion.al
