Portali “CityNews.al” njofton se ka fituar betejën ligjore me deputetin e PD, Ervin Salianji. Sipas këtij portali, Salianji i kishte paditur për shpifje por gjykata ka vendosur ta rrëzojë padinë.
“Disa muaj më parë Ervin Salianji paditi në gjykatë portalin duke pretenduar se shkrimet e publikuara në adresë të tij ishin shpifje, të cilat i kishin dëmtuar imazhin. CityNews.al në dhjetëra shkrime ka publikuar materiale politike dhe jo vetëm duke pretenduar se deputeti i Bashës, Ervin Salianji është një personazh politik i sponsorizuar nga lidhje të forta me të majtën dhe është akuzuar shpesh si një mashtrues politik publik.
Gjykata e Tiranës sot shpalli vendimin duke e rrëzuar kërkesën e Salianjit, i cili pretendonte se ishte dëmtuar ndaj kërkonte 2 milion lekë të reja dëmshpërblim. Gjykata sot ka rrëzuar padinë dhe pritet zbardhja e vendimit në ditët në vijim”, shkruan CityNews.
