Një aksident tragjik ka ndodhur paraditen e sotme në Durrës, ku një 49-vjeçare është aksidentuar për vdekje. Ngjarja ka ndodhur në orët e para të mëngjesit të sotëm rreth orës 05:30, në rrugën Ura e Dajlanit –Shkozet.
Policia sqaron se “mjeti me targa AA 635 AA, me drejtues shtetasin A.D. 49 vjeç, ka aksidentuar shtetasen këmbësore T.R. e cila ka ndërruar jetë në spital.”
Drejtuesi i mjetit është shoqëruar në ambientet e Komisariatit të Policisë Durrës.
Grupi hetimor po punon për sqarimin e rrethanave të ngjarjes.
