Ish-ministri i Drejtësisë, Ylli Manjani, ka reaguar në lidhje me deklaratën e kryeministrit Edi Rama, bërë ditën e sotme në Kuvend, gjatë replikës me kreun e opozitës, Lulzim Basha, ndërsa përmendi disa emra biznesmenësh të njohur në vend.
Përmes një shënimi në Twitter, Manjani shkruan se si të gjithë të kapurit në flagrancë në krim, Rama krijon alibi me emra njerëzish që s’kanë lidhje me krimin.
Ndërsa, shton se ai përdor emrat e biznesmenëve për të fshehur kanabizimin. Sipas tij, kjo quhet poshtërsi.
“Asnjëri nga ata biznesmenë nuk ja zë emrin atij edhe kur kanë nevojë! Ka vërtë hall të madh!”,-shkruan Manjani.
Përplasja e fortë ndërmjet Kryetarit të opozitës Lulzim Basha dhe Kryeministrit Edi Rama është përqëndruar tek pastrimi i parave të pista në ekonomi. Basha ka ngulur këmbë se Buxheti në tërësi dhe programi 1 miliard euro në veçanti ka vetëm këtë qëllim, kurse Rama, për t’u mbrojtur, ka marrë si ilustrim biznesmenët më të mëdhenj të vendit dhe investimet që ata kryejnë në vend.
Rama: Fole për hotelet me 5 yje. U detyrova dhe i kërkoj ndjesë atij q ëi përmenda emrin. Unë kurrë, as në opozitë, as në qeveri, nuk kam marrë në gojë sipërmarrës të këtij vendi që paguajnë kontribute të mëdha për buxhetin, që krijojnë punësin e natyrisht ndikojnë në rritjen ekonomike dhe sociale të Shqipërisë.
Tani, kullat e Tiranës. Zamir Mane, është pastrues parash të drogës, Lulzim?!
Më shiko pak këtu: Shefqet Kastrati, është pastrues parash të drogës?!
Bashkim Ulaj, është pastrues parash të drogës?!
Po Ram Geci, është pastrues i parave të drogës?
Dhe për një çudi të rastësisë janë të katër votues dhe mbështetës të Partisë Demokratike. Nëse ke ndonjë kullë tjetër në mend, urdhëro këtu dil e thuaj kush ka ndërmend ta ndërtojë dhe ta diskutojmë.
