“Rri pa merak, i dorëzuam dokumentet. I thamë s’kemi gjë tjetër, vetëm shpirtin. Do të dalësh nga mesi i muajit tjetër”. Duket se me këto fjalë i është drejtuar në një mesazh në whatsapp ndërmjetësi Alban Buci të akuzuarit për vrasje Gentian Doda, pasi kishte marr prej tij një shumë parash për t’ja dhënë gjyqtarit Shkëlqim Miri me qellim lirimin e Dodës.
Ndërkohë që Buçi është shpallur në kërkim, në seancën e së dielës , që u zhvillua me dyer të mbyllura përpara gjykatës janë treguar edhe provat që rëndojnë gjyqtarin.
Nga përgjimet e kryera ndaj kushëririt të gjyqtarit, Kujtim Miri, ky i fundit shihet në kamera duke marrë një valixhe me lekë, të dorëzuara nga ndërmjetësi tjetër Alban Buçi.
Prokuroria thotë se, pas këtij momenti, Alban Buçi ka njoftuar në “Whatsapp” Gentian Dodën, që priste vendimin në burg.
Prokurori Klodian Braho pretendon se dorëzimi i së paku 20 mijë eurove për të lënë në fuqi vendimin e Shkallës së Parë Mat është bërë më 30 maj të këtij viti, ndërkohë që hetimet kanë nisur më herët, pas informacioneve se gjykatat po hapnin rrugën për lirimin e Dodës, i cili nga i dënuar me 20 vite për vrasje, përfundoi i shpallur fajtor për plagosje me pasojë vdekjen.
Te henen perpara gjykates do te dale Kujtim Miri, kusheriri i gjyqtarit.
