Cristiano Ronaldo është më i mirë se “i pabesueshmi” Lionel Messi, sipas pilotit të Formula 1, spanjollit Fernando Alonso.
Ylli i Real Madridit, Ronaldo dhe maestro i Barcelonës, Messi shpesh krahasohen mes vete, me dy më të mëdhenjtë e ditëve të sotme që kanë fituar së bashku plot nëntë Topa të Artë.
Alonso, dy herë kampion i botës bë Formula 1 dhe anëtar i nderit në klubit e Real Madridit ka thënë se nuk kishte dyshime në mendjen e tij se kush ishte më i mirë i të dyve.
“Po, Cristiano është më i mirë se Messi”, ka thënë fillimisht Alonso për Globo Esporte përpara garës të së dielës në Grand Prix.
“Messi ka një talent të jashtëzakonshëm, por si një tifoz i Real Madridit, vetëm lojtarët e Real Madridit më interesojnë”, shtoi piloti i F1.
Messi dhe Ronaldo do të përpiqen të udhëheqin Argjentinën dhe Portugalinë respektivisht në lavdinë e Kupës së Botës në Rusi vitin e ardhshëm.
Megjithatë, Alonso beson se dy kombet e tjera – Brazili dhe Spanja – meritojnë favorizim për ngjarjen e madhe botërore të futbollit.
“Është e vështirë të dihet se kush do të fitojë, por tani Brazili janë favoritët”.
“Spanja mund të jetë e fortë. Do të ishte mirë nëse do të luanin finalen”. përfundoi ngasësi spanjoll.
