Një shqiptar gjeti vdekjen ditën e djeshme në Greqi, në tentativë për të ndihmuar një të re greke, e cila ishte përdoruese droge.
Mediat e vendit fqinj, kanë publikuar emrin e 35-vjeçarit shqiptar të vrarë, dhe bëhet fjalë për Valton Lokën, prind i dy fëmijëve, 15 dhe 7 vjeç.
Mësohet se familja e tij që jeton prej kohësh në Ksiropotamo, Irakleo në Kretë dhe përballet me probleme ekonomike dhe gruaja e tij ndodhet në vështirësi për sjelljen e trupit në Shqipëri, ku do të kryhet edhe ceremonia mortore, shkruajnë mediat greke.
Për këtë arsye, gruaja e tij, ka bërë apel për ndihmë, për të sjellë trupin e pajetë të burrit në vendin tonë, ku do të kryhet edhe ceremonia mortore.
Ndërkohë mediat greke ka publikuar edhe foton e autores 26 vjecare, e cila mësohet se ishte e skeduar për vjedhje por ishte jashtë hekurave për shkak të gjendjes shëndetësore. Ajo jetonte në një shtëpi që nëna e saj e kishte marrë me qira, ndërsa ka edhe një vëlla në burg në Koridhali.
Ngjarja e rëndë ndodhi ditën e djeshme, pasi shqiptari kishte dëgjuar zhurma të mëdha që vinin nga shtëpia e grekes, kishte shkuar për t’i ardhur në ndihmë, por vajza e ka qëlluar disa herë me thikë duke e lënë të vdekur.
