Edi Rama ka pranuar se një prej këshilltarëve të tij më të mirë është ish-Kryeministri kroat Zoran Milanoviç, me të cilin ka pranuar se këshillohet sa herë që takohet.
Këtë deklaratë Rama e ka bërë gjatë konferencës së përbashkët me komisionerin Hahn për mediat në Ballkanin perëndimor, ku është pyetur nga një gazetar kroat për raportet e tij me Milanovic.
“Kroacia është e jashtëzakonshme, është një shembull fantastik i mënyrës se si ta ndjekim këtë ambicje. Zoran është një mik i madh, i kam kërkuar këshillim dhe do ti kërkoj sa herë ta takoj, më duhet t’i them se ai është kaq i mirë me mua se asnjëherë nuk është i vonë kur jep këshillat e tij”.
