Duke filluar nga sot, në një prej bareve të kryeqytetit polak, Varshavë, mund të pish makiato me qumësht gjiri. Sipas zonjës Aldona, e cila ka marrë përsipër të bëjë zëdhënësen e barit, ”qumështi i gjirit është i mrekullueshëm gjatë vjeshtës për të rritur imunitetin e organizmit nga ftohja dhe lagështira”.
”Ky qumësht do të ofrohet falas nga gratë e lagjes dhe do të shërbehet në një tas me çmimin 18 zlloti (4,3 euro)”, shton Aldona.
Ndërkohë, autoritetet shëndetësore kanë paralajmëruar se shitja e qumështit të gjirit është e jashtëligjshme dhe sjell rreziqe të ndryshme, përfshirë atë të një epidemie.
Sidoqoftë, shumë kryeqytetas janë tepër kuriozë për këtë propozim origjinal.
