Drejtori i Komanduar i Policisë së Elbasanit Altin Aqto, në daljen e tij për mediat është pyetur ndër të tjera edhe për hetimin që u bëhet biznesmenëve të rëndësishëm të këtij qyteti, mes të cilëve edhe vajzës së kryebashkiakut Sejdini, lidhur me pasurinë e tyre.
Qato ka dhënë një përgjigje të shkurtër, por duke e përjashtuar tërësisht policinë si nxjerrëse të listës me 67 emra, pasditen e së shtunës.
“Ne nuk i tejkalojmë normat e hetimit. Të dhënat dalin nga hetimet. Ne nuk kemi nxjerrë emra”, është shprehur Qato.
E nëse policia është e përjashtuar, dy institucione të tjera të rëndësishme që janë në dijeni të listës janë Prokuroria dhe Drejtoria e Tatimeve, cka lë të kuptojë që njëri prej këtyre institucioneve mund të ketë nxjerrë listat që u bënë publike për mediat.
