Ndoshta e keni dëgjuar shprehjen se nëntori është muaji më depresiv vitit, por edhe pse për disa mund të mos jetë e vërtetë, për disa tjerë është shumë aktuale.
Kjo për shkak se në nëntor nuk ndodhin gjëra emocionuese, sepse asgjb nuk ndodh në nëntor.
Tjetra është se nëntori është muaj shumë i ftohtë, dhe nëse jeni adhurues i stinës së verës, normalisht nuk do të ndiheni të kënaqur gjatë nëntorit. Ngjyrat e vjeshtës në nëntor fillojnë të largohen, pemët mbesin pa gjethe ndërsa era është shumë më e fortë!
Edhe psikologjia thotë se nëntori për shumë njerëz mund të jetë depresiv. Sipas psikologëve, këto janë disa arsye që e bëjnë nëntorin muaj depresiv:
Ëndrrat: Është muaji i parafundit i vitit, ku jeni në garë për të arritur diçka të cilën e keni pasur synim ta arrini para se të vijë fundviti. Dhe, nëse e keni marrë seriozisht këtë “garë”, atëherë jeni të mbushur me stres, presion dhe frustrim.
Qëllimet: viti ka kaluar dhe ju ka mbetur vetëm një muaj. Të gjitha qëllimet e paarritura ju vijnë në mendje dhe ju krijohet një energji negative e cila ndikon në stilin tuaj të jetesës.
Ndryshimi: është muaj ku Toka përjeton ndryshime të dukshme, dhe ndryshimet e tilla atmosferike krijojnë mos-balancim dhe probleme me disponimin.
Financat: Është fundvit,dhe kjo do të thotë se gjatë muajit dhjetor për shkak të festave do të ketë më shumë shpenzime, ndërsa nëntori është muaj ku shumica e familjeve kursejnë më shumë para për t’i shpenzuar në muajin e ardhshëm.
