Të paktën tetë persona kanë humbur jetën dhe 11 të tjerë janë plagosur gjatë një sulmi terrorist në Manhattan, pasi shoferi i një kamionçine u fut në korsinë e biçikletave.
Një 29-vjeçar i cili doli nga kamionçina u plagos nga një oficer i policisë dhe më pas u arrestua. Sipas mediave amerikane ai quhet Sayfullo Saipov, një emigrant që erdhi në SHBA në vitin 2010, i cili u vendos në Florida.
Kryebashkiaku i Nju Jorkut, Bill de Blasio theksoi se ishte një akt i frikshëm terrorist që synonte civilë të pafajshëm.
Due to police activity, avoid the area of Chambers Street/West St.
One person is in custody. Expect many emergency personnel in the area. pic.twitter.com/rSECr0LRCN— NYPD NEWS (@NYPDnews) October 31, 2017
Këngëtari Josh Groban shkroi në “Twitter” se kishte dëgjuar të shtëna me armë, teksa shëtiste me qenin e tij. “Oh Zot, sapo dëgjova të shtëna armësh. Nisa menjëherë të vrapoj me qenin tim”, është mesazhi i tij.
Sipas NBC ai ka bërtitur vazhdimisht “Allah Akbar”. Sipas dëshmitarëve shoferi ishte një person me tipare nga lindja.
CNN citon burime nga Departamenti i Policisë së Nju Jorkut, që thonë se të paktën 8 persona dyshohen të vdekur dhe dhjetra të tjerë janë plagosur.
Police incident on west side of chambers street after series of rattling POPS. Hope all are safe. pic.twitter.com/C0mZYU7l1D
— bill tsapalas (@btsapalas) October 31, 2017
Shumë vetë nisën të vraponin për të gjetur vendstrehime të sigurta, teksa shihnin kamionin të ecte në drejtim të këmbësorëve, pasi doli nga rruga.
Kalimtarë të rastit janë parë t’u ofrojnë ndihmën e shpejtë deri në mbërritjen e autoambulancave, ndërsa brenda shumë pak minutash nga raportimi i ngjarjes, një numër i madh forcash policore dhe zjarrfikësish u gjendën në vendngjarje.
Daily Mail ka publikuar pamjet e agresorit në momentin kur plagoset nga policia. Në video tregohet momenti kur agresori, që sipas dëshmitarëve thirri “Allahu Ekbar”, del nga automjeti i tij dhe me dy armë false në duar vijon sulmin. Në këtë moment ai qëllohet nga policia në njërën këmbë duke u plagosur dhe më pas u dërgua në spital duke u ruajtur nën masa të rrepta sigurie.
