Deputetja e Partisë Demokratike, Rudina Hajdari ishte sot e ftuar në emisionin “Rudina”, në Tv Klan.
Hajdari rrëfeu gjatë emisionit vështirësitë si deputete e re e parlamentit dhe vendimin për t’u marrë me politikë.
“Të flasësh përpara Parlamentit është shumë e vështirë, është përgjegjësi shumë e madhe. Për mua ishte eksperiencë edhe më e veçantë, sepse jam e bija e Azem Hajdarit. Unë ndihem shumë mirë, ndihem e mirëpritur nga të gjitha anët e politikës. Përgatitem paraprakisht për fjalimet, më ndihmon kur përgatitem përpara. Ne kemi dëshirë që të kontribuojmë për vendin tonë. Unë zgjodha të kandidoj sepse ishte në dëshirën time, kam dashur gjithmonë të kthehesha në Shqipëri. Është hera e dytë që jam kthyer, kam punuar në Ministrinë e Jashtme, por ika në Londër për të vazhduar masterin atje”,tha Hajdari./tvklan.al
