Policia ka dhënë detajet e para lidhur me vdekjen e 31-vjecares Adelajda Xhamani, e gjetur e pajetë në banesën e saj mëngjesin e sotëm.
Në njoftimin e policisë, thuhet se pritet vendimi i mjekut ligjor për të sqaruar shkaqet e ngjarjes, ndërsa deklarohet se Xhamani vuante nga epilepsia.
Njoftimi i policisë
Më datë 29.10.2017, rreth orës 05:10, në rrugën e Thesarit, është gjetur e vdekur në banesën e saj, shtetasia A. Xh., 31 vjeç, e cila jetonte vetëm.
Nuk ka shenja dhune.
Shtetasia e mësipërme vuante nga epilepsia.
Pritet vendimi i mjekut ligjor.
Adelajda Xhamani është ndarë sot nga jeta në moshën 31-vjeçare si pasojë e një arresti kardiak i ndodhur në banesën e saj.
Ndonëse është përpjekur t’i jepet ndihma e shpejtë, mësohet se mjekët e urgjencës e kanë gjetur pa jetë 31-vjeçaren, trupi i së cilës do të niset tashmë drejt Kavajës, në vendlindjen e saj për t’i dhënë lamtumirën e fundit.
Nuk dihet nëse Xhamani ka vuajtur më parë nga probleme me zemrën, apo gjithçka ka ardhur në mënyrë të papritur.
Adela sic e njihnin te gjithe, spikati në opinionin publik si një vajzë simpatike që tërhoqi vëmendjen pjesëmarrëse në reality shoë-n “Big Brother”, ku theu shumë tabu të lidhura veçanërisht me mentalitetin e zonës nga ajo vinte.
Më pas u përfshi në media dhe gazetari duke spikatur veçanërisht tek kronika rozë në shtypin e shkruar dhe në televizion.
