Çdo fund nëntori politika kremton e ndarë dy festat Kombëtare, ditën e Pavarësisë dhe ditën e Çlirimit. Për të djathtët është vetëm një: 28 Nëntori, për të majtën Pavarësia është më 28 dhe Çlirimi më 29 Nëntor.
Por nuk është vetëm kjo datë përkujtimore, historike që ndan politikën. Për PD, sot është Dita e Policëve të Vrarë në Krye të Detyrës, për të majtët JO. Kreu demokrat Lulzim Basha e përkujtoi ditën e sotme duke shkruar se gjaku i tyre u tradhëtua nga policia e kapur nga krimi. Sakaq, e majta në pushtet nuk e kujton këtë ditë. Të pyetur nga Opinion.al zyrtarë të Policisë së Shtetit thanë se kur është PD në pushtet ceremonitë e rastit bëheshin më 26 Tetor, por kur erdhi PS-ja në pushtet e hoqi këtë datë dhe caktoi 5 Majin si ditën e të rënëve në polici.
Pra, qeveria e drejtuar nga Sali Berisha i kujtonte më 26 Tetor, Qeveria Rama më 5 Maj, ndërsa lideri i PD shkruan sot më 28 Tetor. Vështirë të kuptohet edhe nga familjet e atyre që dhanë jetën për rendin dhe sigurinë se kur është dita përkujtimore!!!
/R.Dedaj-Opinion.al
*Më poshtë statusi i Lulzim Bashës në facebook
*Në foton kryesore: Muri i Kujteses i vendosur tek Ministria e Brendshme, inaguruar në kohen kur drejtohej nga Tahiri
