Dy persona janë plagosur si pasojë e një aksidenti automobilistik, të shtunën në mëngjes, në rrugën nacionale Pogradec-Qafë Thanë.
Në të janë përfshirë një mjet i tipit “Toyota”, i cili është përplasur me një kamion me targa 1705AC.
Për pasojë janë aksidentuar E.Gj, rreth 26 vjeç dhe K.Z, 24 vjeç, të dy banues në Tiranë, të cilët udhëtonin me mjetin tip “Toyota”.
Të dëmtuarit janë transportuar në Spital për të marrë ndihmë mjekësore, ku ndodhen nën kujdesin e mjekëve.
Lidhur me këtë ngjarje, policia thotë se grupi hetimor po punon për të përcaktuar rrethanat e aksidentit.
