Prokurori i Përgjithshëm, Adriatik Llalla do të pretendojë edhe dy vite të tjera në krye të akuzës. Vizion+ duke u bazuar në burime pranë Prokurorisë se Përgjithshme thotë se për shkak të ndryshimeve kushtetuese (në kuadër te reformës ne drejtësi) mandati i kreu të organit te akuzës nga 5 bëhet 7 vjet.
Për te mbështetur këtë argument sipas Prokurorisë vlen edhe precedenti i Ina Rames, pasardhëses se Adriatik Llallës.
Kur Ina Rama u emërua nga Parlamenti, Prokurori i përgjithshëm ishte pa mandat e vetëm me vone u ndryshua kushtetuta për ti vendosur një mandat 5 vjeçar, te cilin Ina Rama e respektoi duke u larguar nga detyra sapo u mbushen 5 vjet. Për analogji sipas Prokurorisë se Përgjithshme mandati i Adriatik Llallës nuk është 5 vjet por 7 siç e parashikon Kushtetuta aktuale.
Por një tjetër gjykim ndajnë ata qe hartuan dhe miratuan ndryshimet kushtetuese ne kuadër te reformës ne drejtësi. Burime pranë mazhorances bëjnë me dije se mandati i Adriatik Llallës përfundon pas dy muajsh dhe sipas ligjit për prokurorinë ai duhet te largohet.
Deri ne emërimin e pasardhësit, detyrat e tij i kryen prokurori me i vjetër ne Prokurorinë e Përgjithshme.
Ky lexim i ndryshëm i Kushtetutës pritet te sjelle një përplasje te re mes Prokurorit te Përgjithshëm dhe mazhorances socialiste.
Por reforma ne drejtësi nuk sjell vetëm debatin për mandatin e Adriatik Llallës nëse është 5 vjet apo është 7 vjet; Qe te qëndrojë ne detyre qofte edhe deri ne dhjetorin e këtij viti Llalla duhet te kaloje se pari vettingun i cili do te nise pikërisht nga ai.
