Një familje e tërë shqiptarësh është arrestuar nga karabinierët në Itali. Sipas mediave italiane, familja në fjalë ishte nën hetimin e policisë që prej dimrit të kaluar. Shqiptarët ishin zyrtarisht të punësuar si kamarierë, por në fakt ata shpërndanin kokainë.
Mësohet se shqiptarët ishin pikë referimi për përdoruesit e drogës në Gragnone dhe Arezzo. Identiteti i tyre nuk bëhet i ditur nga policia.
Akuzat kanë rënduar edhe mbi gratë e familjes, respektivisht, nëna dhe vajza e një prej të arrestuarve. Sipas policisë ato ishin të përfshira në biznesin e familjes. Ato kanë marrë jo vetëm të drejtat e burrave të arrestuar, por e rëndojnë veten edhe me kërcënime dhe kanosje për dhënie shuma parash.
Policia ka dokumentuar dëshmi se si shqiptarja ka pasur një episod dhune me një tjetër person, duke e kanosur të sillte shumën prej 10,000 euro në këmbim të makinës, që i mbajti peng, duke e justifikuar këtë se i duhej për shpenzimet ligjore të bashkëshortit në burg.
Ndërkohë që një tjetër kanosje i adresohet një tjetër familjeje, këtë radhë për 2 mijë euro.
Të dy dëshmitarët u bënë bashkë me akuza kundër shqiptarëve. Hetuesit tashmë kanë ngarkuar gratë shqiptare me akuza nga “grabitje” dhe “shpërndarje droge”, pas verifikimeve që u bënë rezultoi se gratë morën pjesë në mënyrë aktive në shitjen e substancës në mungesë të burrave të familjes. Të dy gratë u transferuan në burgun e Solliciano në Firence në pritje të marrjes në pyetje.
