www.shqiperiaqeduam.al është uebsajti i ri i hapur nga qeveria për të marrë denoncimet e qytetareve. Kryeministri Edi Rama u shpreh se kjo platformë online do të zevenedosojë zyrën e marrëdhënieve me publikun në Kryeministri. “Cdo qytetar që ka kërkesë apo ankesë duhet të shkruajë në këtë platformë dhe përgjigjen ka për ta marrë nga ministri/ja”, tha Rama teksa prezantoi këtë faqe të re online.
Ai tha se për këtë faqe do të punojnë 45 të rinj dhe të reja që janë zgjedhur me konkurs. “Kanë qenë 800 aplikime”, tha Rama prej të cilëve janë përzgjedhur me të mirët, mes tyre është edhe një qa ka ardhur nga Indonezia.
“Shumë njerëz çojnë ankesa, letra përmes zyrës së marrëdhënieve me publikun (të famshmes zyra e letrave nga populli). Këto letra ju çohen zyrave të tjera dhe njerëzve u thuhet vajti letra atje… Pra këtu (në kryeministri) është bërë dispenceri. Njerëzit duan përgjigje dhe kjo dispenceri vetëm sa ka shtuar kohën e pritjes, se nuk u ka zgjidhur problemin. Sistemi i ri do jetë nga sot në funskion. Në këtë platformë njerëzit do të marrin përgjigje të dretpërdrejta për çdo ankesë dhe kërkesë dhe përgjigjen do japin ministrat dhe ministret, jo punonjësit e zyrave të marrëdhënieve me publikun. Nuk do marrin vetëm përgjigje por edhe zgjidhje.
Në këtë platformë çdo shqiptar mund të bëjë denoncim nga ato që çoni në media. Denoncimet në media janë të mirëseardhura, por nëse do ta zgjidhni problemin shkruani në këtë platformë”, u shpreh Kryeministri Rama.
Më pas ai tha se nuk është chat online, por një faqe pas të cilës janë njerëz reale që do ua trajtojnë kerkesat me respekt.
“Njerëzit nuk kanë faj nëse nuk besojnë se kjo është një tjetër faqe online apo portal ku mund të shkruash sa të duash por fjalët e tua as i lexon njeri e jo më ti marrë në konsideratë. Besimi do krijohet vetëm përmes historive të suksesit dhe raportimit transparent të të gjithë veprimtarisë së kësaj organizate.
S’është faqe për të bërë chat por një fytyrë pas së cilës ka një trup të gjallë njerëzish që do punojnë ditë e natë që cdo gjë që hidhet si mendim, kërkesë e ankesë të konsiderohet me respekt të plotë”, tha Rama.
/Opinion.al
