Gazetari Artan Hoxha, ka reaguar sot në emisionin ‘Opinion’ në lidhje me deklaratën e tij të mëparshme ku tha se Rama ka video me zë dhe me figurë.
Hoxha tha se ka të bëjë me një video të fushatës së 2017, ku janë dhënë para për votat.
“Reagimi im për videon e Ramës ka ardhur pas sulmit që u bëri gazetarëve. Rama i përballi gazetarët me votuesit e vet kur ne nuk jemi të votuar. Pjesa e videos është se në fushatën e 2017 ka pasur problematikë të madhe. Ne kemi filmuar ku na kanë lejuar. Pjesa tjetër është me financuesit kryesore të fushatës. Siç ka foto që na dolën më parë. Gjatë fushatës janë regjistruar filmime që them unë”-tha Hoxha
Ndër teë tjera, Hoxha shtoi se u pa video e CEZ ku u shantazhua Ervis Mata, ndërkohë sot është i mbrojtur.
“Kemi parë videon e dëshmitarit të CEZ, Ervis Matës, që është shantazhuar dhe askush nuk e di ku është. Sot personi që shantazhonte Ervis Matën është i mbrojtur. Por në asnjë rast videot nuk kanë shërbyer për drejtësi”-shtoi ai.
