Partia Komuniste e Kinës ka votuar për të vënë emrin dhe ideologjinë e Xi Jinping në Kushtetutën e vendit, duke e ngritur atë në të njëjtin nivel me themeluesin Mao Ce Dun.
Mësohet se në fund të Kongresit të Partisë Komuniste,-mbledhja politike më e rëndësishme në Kinë,-u votua në unanimitet për të përfshirë në Kushtetutë kapitullin, “Mendimi i Xi Jinping”.
Zoti Xi ka rritur në mënyrë të qëndrueshme kontrollin e pushtetit që nga dita kur u bë lider në vitin 2012.
Kjo lëvizje do të thotë se çdo sfidë ndaj zotit Xi tani e tutje do të shihet si kërcënim ndaj normave të Partisë Komuniste.
Më shumë se 2000 delegatë u mblodhën në Hollin e Madh të Popullit në Pekin për aprovimin përfundimtar të procesit të përfshirjes së kapitullit “Mendimi i Xi Jinping mbi Socializmin me karakteristika kineze për Epokën e Re”.
Në fund të procesit, delegatëve iu kërkua nëse dikush kishte ndonjë kundërshtim ose vërejtje, ndaj të cilës ata u përgjigjën me zë të lartë: “Asgjë!”,-raportojnë gazetarët e pranishëm.
