Kryetarja e LSI Monika Kryemadhi e quajti të turpshme atë që ndodhi sot në Këshillin e Mandateve për Saimir Tahirin. “Kjo duhej të ishte mbledhja më e shkurtër në histori. Mazhoranca duhet ta dorëzonte menjëherë Tahirin para drejtësisë. I bëj thirrje Ramës të heqë dorë nga shantazhet që po i bën organit të prokurorisë”, tha ajo.
Deklarata e Monika Kryemadhit pas mbledhjes së gjatë dhe pa një vendim të Këshillit të Mandateve lidhur me kërkesën për heqjen e imunitetit të ish-ministrit të Punëve të Brendshme.
Kryetarja e LSI: Sot populli shqiptar humbi mundësinë e fundit që të shohë drejtësinë duke bërë punën e saj. Është i paprecedent qendrimi sot në mbledhjen e Këshillit të Mandateve që kishte në shqyrtim heqjen e mandatit të ish-ministrit të përfshirë në trafikun e drogës. Kjo duhej të ishte mbledhja më e shkurtër në histori për të marrë një vendim për një deputet të përfshirë në veprimtari kriminale. Është më e rënda ngjarje, por kjo mazhorancë dhe ky Kryeministër duket se kanë gëlltitur deri në lugën e fundit çorbën e prishur. Ky kryeministër dhe drejtori i policisë Haki Çakokanë dalë garant të krimit të organizuar. Vetëm dje janë kapur 3.5 ton drogë. Çdo ditë që kalon është një ditë e bardhë për trafikantët dhe një ditë e zezë për shqiptarët. I bëj thirrje Kryeministrit të heqë dorë nga sulmet dhe shantazhet ndaj organeve të drejtësisë”.
/Opinion.al
